Ko Hoera O’Brien tōku ingoa, he uri au nō Pare Hauraki nui tonu, i raro i a Ngāti Tamaterā ki ngā tai o Tīkapakapa, nō Waikato hoki, nā roto i a Kāwhia kai, i a Kāwhia tangata, i a Kāwhia moana, tīhei mauri ora.  Kua tupu au ki te taha o te moana, e ako ana i ngā mahi e rata nei au, pērā i te ruku moana, hī ika me ērā momo mahi.  Nō reira kua puāwai te whakaaro kia tiaki i te moana, kia tiaki i te taiao i raro i ngā marumaru o te pou moana, o te pou rāhui.